Barakaldoko hilketa matxista salatzeko elkarretaratzea egingo da bihar
Hego Euskal Herriko herri zein hiriburuetan mobilizazioak deitu ditu Euskal Herriko Emakumeon Mundu Martxak.
2025/12/23
13:06
Irati Alvarez Malaxetxebarria
Domekan, abenduak 21, Barakaldon (Bizkaia) gertatu zen hilketa matxista salatzeko mobilizazioak deitu ditu Euskal Herriko Emakumeon Mundu Martxa elkarteak. Eibarren eguaztenean, abenduak 24, egingo da mobilizazioa. Untzagatik abiatuko da, 13:00etan. 2025ean 8 emakume erail ditu indarkeria matxistak.
Mobilizazioak hiriburuetan
Gaur, aldiz, Barakaldon bertan eta Bilbon, Gasteizen, Iruñean eta Donostian egingo dira mobilizazioak. Euskal Herriko Emakumeon Mundu Martxa elkarteak antolatutako deialdiekin bat egin dute Euskal Herriko Gazte Feministek eta Itaiak.
