Barixakuan banatu ziren San Andres Bertso-paper lehiaketako sariak Coliseon

Barixaku iluntzean, Coliseo antzokiak hartu zuen San Andres bertso-jaialdian banatu zituen …eta kitto! Euskara Elkarteak aurtengo bertso-paper lehiaketako sariak. Helduen mailan, lehen saria Oñatin bizi den Urko Egañak hartu zuen eta bigarrena Arrate Gisasola eibartarrak. Eta 16 urtetik beherakoen mailan, berriz, Juan Antonio Mogel ikastetxeko Julen Blasco Azpeitiak eta Peru Sasieta Chimenok eraman zituzten sariak.