Beti Eibar – Eibar Forever elkarteak ohiko batzarra egingo du azaroaren 7an

Eibar KE-ren akziodunak batzen dituen Beti Eibar – Eibar Forever elkarteak ohiko batzarra egingo du azaroaren 7an, 18:30ean lehenengo deialdian eta 19:00etan bigarrengoan, Armeria Eskolako Areto Nagusian.

Elkarteak adierazi duenez, “interesa duen edonor etorri daiteke batzarrera, gure bazkide izan ala ez, eta akzioduna izan ala ez”. Gainera, YouTube bitartez zuzenean jarraitzeko aukera egongo da.

Gai-ordena

Batzarrean honako gaiak landuko dituzte:

1- Hala badagokio, 2023/2024 ekitaldiko Jardueraren Memoria Onartzea.

2- 2023/2024 ekitaldiko kontuak eta 2024/2025 ekitaldirako aurrekontua aztertu eta, hala badagokio, onartzea.

3- "EIBAR K.E.-ko istoriak", Felix Elkoroiriben eskutik

4- 2024/2025 ekitaldirako aktuazio plana.

4- Galde eskeak.