Datorren astean egingo du …eta kitto! Euskara Elkarteak Urteko Batzar Nagusia

Datorren martitzenerako, martxoak 12, deitu du …eta kitto! Euskara Elkarteak Urteko Batzar Nagusia elkartearen egoitzan (Urkizu 11, solairuartea). Lehenengo deialdia 18:30ean izango da; bazkideen erdia baino gutxiago bertaratzen bada, ordu erdi geroago egingo da Batzarra, hau da, 19:00etan. Bazkide guztiak daude parte hartzera gonbidatuta, eta gai-zerrenda honako hau izango da: 2023ko gestio-balantzea; 2024rako egitasmoak, bazkide-kuotak eta aurrekontuak; galdera-erantzunak eta iradokizunak, eta zuzendaritza berriaren hautaketa eta funtzionamendua.