Debabarreneko Gazta Azoka egingo da bihar goizean Untzagan
2023/10/20
17:46
eta kitto!
Eibarko Udalak eta Debemen Debababarreneko Landa Garapen Elkarteak antolatuta, bihar goizean Debabarreneko Gazta Azoka egingo da Untzagan, 10:00etatik 14:30era. Antolatzaileen berbetan, “Debabarreneko artzaintza eta gure artzainek burutzen duten lana ezagutzera ematea da asmoa”. Gure eskualdeko gaztagileek hartuko dute parte azokan: Eibarko Sosola baserria (ardi gazta ekologikoa eta ogi ekologikoa), Mutrikuko Goienetxe baserria (ardi gazta), Soraluzeko Egotza baserria (ahuntz gazta) eta Mallabiko Mallegoi baserria (Axeleku behi gazta). Horrez gain, Elgoibarko Lizagasar baserritik sagar zukua eta sagardoa eramango dute.
Argazkia: BARREN.
