Doha Shrir eta Hegoi Estebanen debuta judoko Espainiako Kopan
Kalamuakoen hurrengo erronkak Taldekako Gipuzkoako Alevin txapelketa eta Infantil eta Kadeteentzako Anaitasuna txapelketa izango dira
2024/10/07
12:15
eta kitto!
Kalamua judo taldeko Doha Shrir-ek Kantabriako Espainiako Judo Kopan parte hartu zuen zapatuan, 62 kilora arteko emakumezkoen kadete mailan. Lehen borrokaldia galdu ondoren, errepeska baten zain geratu zen txapelketan jarraitu ahal izateko, baina ez zuen zorterik izan. Hala ere, Espainiako Kopa batean egindako lehen parte-hartzean egindako lana positiboa izan zen eta etorkizunerako metatutako esperientzia balio handikoa izango zaio. Hegoi Esteban entrenatzailearentzat ere lehen parte-hartzea izan zen txapelketa nazional batean.
Kalamuakoen hurrengo erronkak Taldekako Gipuzkoako Alevin txapelketa eta Infantil eta Kadeteentzako Anaitasuna txapelketa izango dira, urriaren 26an.
