Eibar Eskubaloi Taldeak uztailaren 22an egingo du Urteko Batzar Orokorra
Ohiko Batzarraren ondoren, Ezohiko Batzarra egingo dute indarrean dauden estatutuen zuzenketa egiteko
2026/07/08
10:26
Ekhi Belar Errasti
Denboraldia amaituta eta ia ekintza guztiak gelditu ondoren (udalekuekin dabiltza gaur egun), Eibar Eskubaloi Taldeak Urteko Batzar Nagusia egingo du uztailaren 22an, Portaleko areto nagusian, 18:00etan lehen deialdian eta 18:15ean bigarrenean.
Honakoa izango da batzarraren gai-ordena:
- Aurreko akta irakurtzea eta onartzea.
- 2025/26 denboraldiko balantzea.
- Zuzendaritza Batzorde berria hautatzea.
- 2026/27 denboraldiko aurrekontua.
- Galderak eta eskakizunak.
Ohiko Batzarra amaitu ondoren, 19:00ean lehen deialdian eta 19:15ean bigarrenean, Ezohiko Batzarra egingo dute puntu bakarra aztertzeko: indarrean dauden estatutuen zuzenketa.
