Eibar KEk presidentea aukeratuko du gaur Astelenan
2017/06/01
16:10
eta kitto!
Arratsaldeko 19:00etatik aurrera Astelena frontoian egingo den Eibar KEren ezohiko batzarrean akziodunek administrazio kontseilu berria aukeratuko dute. Hamahiru kidek osatzen dute kontseilua eta leku horiek beteko dituzten pertsonak hautatzea dagokie guztira 46.200 akzioen jabe diren 11.136 akziodunei. Bi zerrenda oso daude (batetik, Amaia Gorostiza egungo presidentearena eta, bestetik, egungo kontseilari kide German Albistegirena) eta John Sager AEBetako akziodunak bere izenarekin bakarrik osatu duena. Badirudi Gorostizak alde dituela akzio gehienak eta, bestetik, Sagerrek prozesua inpugnatzeaz mehatxatu du.
