Eibar Rugby Taldeak Rugby Seven Challengea irabazi du

Emakumezkoen Avia Eibar Rugby Taldeak Rugby Seven Challengea eskuratu zuen asteburuan Valentzian eta, ondorioz, Erreginaren Kopa jokatuko du datorren denboraldian. Eibartarrak ligaxkan Shamrocki (36-0), Pinguinas Burgosi (17-5), Les Abellesi (32-19) eta Pozuelori (29-0) gailendu ondoren, Sevillako Kokodriloei finala 19-20 irabazi zien.

Hamabosteko errugbian denboraldi bikaina lortu dute Avia Eibar Rugby Taldeko neskek (Euskal Liga irabazi eta Ohorezko B Mailara igo dira) eta zazpiko errugbian lortutako emaitza honekin denboraldia borobildu dute.



Argazkia: Les Abelles