Eibarko Txirrindulari Elkartearen urteko batzarra zapatuan Portalean

Urterokoari jarraituz, Eibarko Txirrindulari Elkarteak ohiko batzar orokorra egingo du urtea hastearekin batera. Portaleak hartuko du batzar hori bihar 11:30etik aurrera bigarren deialdian. Behin hori amaituta, ezohiko batzarrari ekingo zaio, puntu bakarrarekin: hautagaien aurkezpena egingo da eta, ondoren, presidente berria aukeratuko.

Bestalde, Gabonetako loteriaren sariak klubaren lokalean ordainduko dira martxoaren 12ra arte, eguaztenero 19:00etatik 20:00etara.