Eibartar asko bildu ziren atzo Untzagako harmailetan Euskareran Eguna ospatzeko
Euripean, baina linternak ixotuta, eibartar askok hartu zuten parte "Ixotu euskeria! Ez dein argixa emetau!" goiburuko ekitaldian
2024/12/04
11:38
eta kitto!
Euskararen Nazioarteko Eguna ospatzeko, Eibarko euskalgintza osatzen duten taldeen eskutik Ixotu euskeria! Ez dein argixa emetau! goiburuko ekitaldia egin zen atzo, abenduak 3, Untzagako harmailetan. Euripean, baina linternak ixotuta, eibartar askok hartu zuten parte eguneko ekintza nagusia izan zen horretan. Kaxako irakasle eta ikasle laguntzaileen koreografiari jarraituta, Eibarren euskaraz bizi nahi dugula aldarrikatu zuten ekitaldira bertaratu zirenek. Horren aurretik, Untzagako beste aldean, Mintzodromoa egon zen martxan, eta bertan parte hartu zutenek beste batzuekin euskaraz aritzeko aukera ederki aprobetxatu zuten.
