Elkarretaratze musikatua antolatu du bihar Sarek
'Ezin da gehiago luzatu' lemapean, salbuespenik gabeko espetxe politika arrunta eskatuko dute.
2025/12/30
11:17
Irati Alvarez Malaxetxebarria
Untzaga plazan elkarretaratze musikatua egingo du bihar, abenduak 31, Sare Herritarrak. ‘Ezin da gehiago luzatu’ dinamikaren baitan, presoei salbuespenik gabeko espetxe politika arrunta aplika diezaieten eskatuko dute.
Urtarrileko mobilizaziora gonbita
Urtarrilaren 10ean Bilbon egingo duten manifestazio nazionalean parte hartzera dei egin du Sare Herritarrak. Manifestazioan «salbuespenik gabeko espetxe politika arrunta» eskatuko dute. Arratsaldeko 17:00etan abiatuko da La Casillatik.
