Emaitza onak Ipurua klubeko gimnasten aldetik Gipuzkoako Txapelketan

Gimnasia erritmikoko Gipuzkoako Txapelketaren jardunaldia jokatu zen asteburuan Donostian, eta Eibarko Ipurua klubeko 60 gimnasta inguruko hartu zuten parte bertan. Maila desberdinetako gimnastak aritu ziren, banakako zein taldekako probetan.

Benjamin A mailan, Lucia Soto, Mikel Azpiri, Laia Lorenzo eta Aldatze taldea aritu ziren lehian, esperientzia baliotsua pilatuz txapelketako lehen mailetan. Alebin mailan, Alebin A kategorian, Uxue Garcíak bigarren postu bikaina eskuratu zuen, podiumera igota. Alebin C taldekako proban, berriz, Anaitasuna taldea zortzigarren izan zen, Iturburu hamabosgarren, San Andres hemezortzigarren eta La Salle hogeita bosgarren.

Infantil mailan ere emaitza aipagarriak izan ziren. Infantil C taldekako proban, Ipurua E taldea bosgarren postuan sailkatu zen. Infantil B taldekakoan, Ipurua M taldeak hirugarren postua lortu zuen, podiumean sartuta; Ipurua zazpigarren izan zen eta Ipurua P, berriz, hemeretzigarren.

Banakako Infantil B kategorian, Ilaia Díaz hirugarren izan zen, Elene Muniozguren bosgarren, Miren de Andres zazpigarren, Maialen Cid bederatzigarren, Oier Gabilondo hamabigarren eta Aiuria Luzar hamalaugarren.

Emaitza hauekin, balorazio oso positiboa egin dute klubetik, gimnasten lan ona eta etorkizunerako bide sendoa azpimarratuz.