Emakume Master Cup txapelketaren finala Astelena frontoian jokatuko da martxoaren 22an
2018an, Astelena txiki geratu zen Emakumezkoen Binakako Txapelketaren finala jasotzeko eta esperientzia errepikatu nahi dute
2026/02/17
16:23
Ekhi Belar Errasti
Emakume Master Cup txapelketaren 10. edizioa lehiatzen dihardute aurten eta final handia Eibarren jokatuko da, Astelena frontoian. Martxoaren 22an lehiatuko dira txapelketa bikoteak, 12:00etan hasita, eta elite mailako lehia ETB-1ek eta ETB-Satek zuzenean emango dute.
Astelena frontoiarentzat ez da lehen aldia Emakume Master Cup-en finala jasotzen, 2018an Arrizabalaga-Etxaniz eta Espinar-Arrieta nor baino nor aritu baitziren, lehenak gailendu zirelarik (22-7). Ordu hartan frontoia txiki geratu zen bildu zen jendetzaren aldean eta aurten ere esperientzia errepikatu nahi dute antolatzaileek.
