Eratu da 2023-2027 agintaldirako Udalbatza berria

Zapatu goizean egin zen Osoko Bilkuran eratu zen datozen lau urteotarako Udalbatza berria. Hautetsi zaharrenak (Mertxe Garate Larrañagak) eta zinegotzi gazteenak (Nerea Barruetabeña Garatek), Udal Idazkari Nagusiarekin batera osatutako adin-mahaiak zuzendu zuen ekitaldian, Jon Iraola Iriondo izendatu zuten Eibarko alkate, aldeko zortzi botorekin. Berarekin batera hartu zuten kargua 20 zinegotziak. Bestalde, alkatea aukeratzeko botazioan, Arantzazu Mata Egiguren EH Bilduko alkategaiak aldeko sei boto jaso zituen, eta zazpi boto zuri zenbatu zituzten.

Legeak esaten duenari jarraituta, hauteskundeak egin eta hogei egunera eratzen da udala, eta Eibarkoa osatzen duten udalkideak hauek dira: PSE-EEren aldetik, Jon Iraola Iriondo alkatea, Sonia Archeli Mesonero, Andoni Zabala Atristain, Vanesa Hortas Mojón, Alberto Albistegi Zamakola, Ana Telleria Etxeberria, Patxi Lejardi Galarraga eta Patricia Arrizabalaga Larrañaga; Eibarko EH Bildutik, Arantzazu Mata Egiguren, Gorka Errasti Bernedo, Nerea Barruetabeña Garate, Julian Díaz Gutiérrez, Hiart Cabrera Ansola eta Leire Alberdi Arriola; Eibarko EAJ-PNVren aldetik, Josu Mendikute Rodriguez, Amaia Albizu Llubia, Elena Ibañez Anuncibay, Mertxe Garate Larrañaga, Jon Perez Illana eta Alberto de la Hoz Gorriti; eta Elkarrekin Podemosen ordezkaria, Isabel Fernández Pejenaute.