Ernairen Elkartasun Zozketako lehen saria Eibarren saldu den 32.451 zenbakiari egokitu zaio

Ernai gazte antolakundeak antolatutako Elkartasun Zozketako irabazleak ezagutzera eman dituzte eta lehen saria, Irlandara bi lagunentzat bidaia, 32.451 zenbakiari egokitu zaio. Esan dutenez, zenbaki hori Eibarren saldu da, “seguruenik Arrateko jaietan”, beraz rifak erosi zituztenei ondo begiratzeko eskatu dute. Bigarren saria (Mendiz F9ICR.05 errepide bizikleta), berriz, 19.850 zenbakia duenak eramango du. Eta hirugarren saria (ordenagailu portatila) 14.064 zenbakiak eraman du. Ordezko zenbakiak, bestalde, 29.751, 28.856 eta 7.985 dira, hurrenez hurren. Saridunak Ernaiko sare sozialen bitartez jarri beharko dira antolatzaileekin harremanetan, saria nola eta noiz jaso adosteko.