Errefuxiatuei buruzko erakusketa eta jarduerak Topalekuan, eguenetik domekara

Errefuxiatuei buruzko erakusketa eta jarduerak Topalekuan, eguenetik domekara
2016/02/23 14:08
eta kitto!
Asteburuan zabaltzekoa zen "Supervivientes en busca de refugio. Krisi humanitarioan galdutakoak" izenburuko argazki erakusketa uste baino lehen prestatu dutela ikusita, inaugurazioa aurreratzea erabaki dute eta bihartik aurrera egongo da ikusgai Topalekuan, Arrate Kultur Elkartearen erakusketa aretoan, HOTZ Errefuxiatuei laguntzeko taldeak antolatuta. Eguen, barixaku eta zapatuan 19:00etatik 21:00era zabalduko dute eta domekan 12:00etatik 14:00etara. Erakusketan Antonio Cossa, Urko Arroyo, Cesar Lopez Balan, Olmo Calvo eta Gabriel Tizon argazkilarien lanak ikusteko aukera egongo da eta, horrez gain, papiroflexia tailerra egingo dute.
Erakusketaren harira, bestalde, domekan errefuxiatuen eskubideen alde zuzeneko poesia eta musika emanaldia eta te degustazioa eskainiko dituzte, 18:00etatik 21:00etara, Itzamna akademiako poesia taldearen, Elena Martin Lapeiraren, Rosario Camposen, Eibar-Sahara Elkartearen eta Iraegui errotuloak enpresaren laguntzarekin.

erakusketa zuzen tx