Eskubaloi Festa ospatuko da hilaren 17tik 19rako asteburuan

Eibar Eskubaloi Taldeak Eskubaloi Festa ospatuko du maiatzaren 17, 18 eta 19an, Untzagan eta, horretarako, hainbat ekintza prestatu dituzte.

Jaiari hasiera emateko, hilaren 17an, 19:00etan, txosna irekiera egingo dute. Hurrengo egunean, zapatuan, 11:00etan erropa salmenta egingo da, 13:30ean familia-argazkia eta arratsaldean, 19:00etan, La Otra Kalle taldeak kontzertua eskainiko du.

Familia-argazkirako herriko eskubaloiarekin zerikusia izan duten eibartarrak gonbidatu nahi dituzte (jokalariak eta jokalari ohiak, entrenatzaileak, familiarrak, zaleak...).

Festari amaiera emateko, domekan, 10:00etan, eskubaloi eskolakoek partiduak jokatuko dituzte, eta 11:00etan erropa salmenta egingo da berriz ere.