Esteban Oroz eibartarraren margolan erakusketa inauguratuko dute gaur Ermuko Lobiano Kultur Gunean
Abenduaren 29ra arte joan daiteke ikustera.
2024/12/16
11:46
eta kitto!
Gaur inauguratuko du erakusketa Esteban Oroz Aizpun margolari eibartarrak Ermuko Lobiano Kultur Gunean. Datozen bi asteetan, abenduaren 29ra arte egongo da ikusgai, lanegunetan 18:00etatik 20:00etara eta asteburuetan 12:00etatik 14:00etara. Sarrera doakoa eta librea da.
Esteban Oroz margolari autodidakta da. Teknika guztiekin ausartu da (erretratuak, pastela, olioa, akuarela…) eta askotariko gaiak margotzen ditu. Eibarren bizi den artista nafarrak aire zabaleko pintura lehiaketa ugari irabazi ditu eta Eibarko Artisten Elkarteko presidentea da aurtengo apirilaz geroztik.
