Etzi emango zaie hasiera Agiñako jaiei
Hurrengo egunean, barixakuan, San Miguel egunean, meza nagusia egingo da Usartza txistulari bandarekin batera 11:00etan. Gero, 12:00etan, hamarretakoa eta umeentzako jolasak egongo dira, eta eguneko ekitaldiekin amaitzeko, 14:30ean, bazkari herrikoia egingo da Usartza txistulari bandak lagunduta.
Datorren asteko zapatuan, urriaren 7an, 17:00etan, briska txapelketa egingo da, 21:00etan lagunarteko afaria (afarirako Izua jatetxean izena eman behar da) eta 23:00etan erromeria hasiko da Joselu Anaiak taldearen eskutik. Gainera, goizaldean txokolate-jana egingo da.
Agiñako jaiei amaiera emateko, urriaren 8an, 11:00etan, meza nagusia eta hamarretakoa egongo dira. 12:30ean, umeentzako jolasak hasiko dira eta 14:30ean paella-jana herrikoia. Amaitzeko, 17:0etan, zozketa egingo da, egitarauaren arabera.
