Euriak ez du lortu Eibarren euskaraz aritzeko dagoen gogo bizia amatatzea
Eibarko euskalgintzaren eskutik Untzagan egin den ekitaldiak parte-hartze zabala izan du.
2024/12/03
22:26
eta kitto!
Gaur Euskararen Nazioarteko Eguna dela ospatzeko, Eibarko euskalgintza osatzen duten taldeen eskutik Ixotu euskeria! Ez dein argixa emetau! goiburuko ekitaldia hartu dute Untzagako harmailek. Euripean, baina linternak ixotuta, eibartar askok hartu dute parte eguneko ekintza nagusia izan den honetan. Kaxako irakasle eta ikasle laguntzaileen koreografiari jarraituta, Eibarren euskaraz bizi nahi dugula aldarrikatu dute ekitaldira bertaratu direnek. Horren aurretik, Untzagako beste aldean, Mintzodromoa egon da martxan, eta bertan parte hartu dutenek beste batzuekin euskaraz aritzeko aukera ederki aprobetxatu dute.
