Euskarazko “Looney Tunes. Lurrak eztanda egin zuen eguna” zine-karteldegian
“Los aitas”, “Aún estoy aquí” eta “A complete unknown” pelikulak ere emango dituzte
2025/03/21
10:07
eta kitto!
Asteburuan Coliseon eskainiko duten zine programazioan, umeentzat eta familian ikusteko aproposa izaten den animaziozko pelikula oraingoan euskaraz eskainiko dute. Peter Browngardt zuzendariaren “Looney Tunes. Lurrak eztanda egin zuen eguna” proiektatuko da zapatuan eta domekan ohiko ordutegian, 17:00etan, kasu bietan Antzokian.
Karteldegia osatuko duten beste hiru filmak Borja Cobeagaren “Los aitas”, Walter Sallesen “Aún estoy aquí” eta joan zen astetik karteldegian dagoen James Mangolden “A complete unknown”. Azken pelikula hori 1 Aretoan joango da, “Aún estoy aquí” 2 Aretoan eta “Los aitas” banatu egingo da, saio batzuk 1 Aretoan izateko eta beste batzuk Antzokian.
