Euskerazko filmak ikusi eta besteekin komentatzeko proposamena egiten digute gaurko

Euskaraldiaren eskutik martxan dagoen Etxealditik Euskaraldira ekimena azken txanpan sartu da, baina maiatzaren 3an amaitu aurretik badute gaurko proposamen bat: "Etxean egotea dagokigun arren, etxealdia hasi aurreko ohiturei guztiz uko egin beharrik ez daukagu. Badira, aisialdiari lotutako zenbait kontu, moldatuta bada ere, etxean egin ditzakegunak. Horietako bati lotuta dator gaurko proposamena. Asteazkenetan ikuslearen eguna izaten ohi da Euskal Herriko hainbat zinema aretotan. Zinemara joan eta filmeak ikusteko baliatzen du eguna hainbat zinezalek. Orain ezin dugu zinema aretoetara joan, baina ikus ditzagun euskarazko filmeak eta tartea har dezagun ingurukoekin filmeen gainean aritzeko".

https://www.youtube.com/watch?v=i1hmsMybrz4&feature=emb_logo