F Ligako SD Eibar gaur hasiko da Levanteren aurkakoa prestatzen

Zapatuan Granadaren aurka galdu ondoren, Yerai Martinen taldeak etxean lehiatuko du berriro, beti ere Ipuruan orain arte izandako sentsazioei jarraipena emateko asmoarekin. Hurrengo zapatu eguerdian, 12:00etan hasita, Levante UD izango dute aurkari Yerai Martinek prestatzen dituztenek eta, horretarako, gaur hasiko dira lan-saioekin.

Anexoan 10:45etik aurrera izango dute lehen saio hori; bihar 11:00etan hasiko dira, non oraindik konfirmatzeko badago ere; eta etzi eta etzidamuko entrenamenduak Unben izango dira, lehenengoa 11:45ean eta bigarrena 11:00etan. Behin zapatu eguerdian F Ligako laugarren jardunaldiko partidua jokatu eta gero, hurrengo egunean, domekan, lan-saioa izango dute goizeko 10:00etan.