Familiartean egiteko moduko esperimentuekin egutegia prestatu du Elhuyarrek

COVID-19aren eraginez etxean isolamenduan egoteko egunak arintzeko asmoz eta, bide batez, zientziaren inguruko kontzeptu desberdinak familiartean ikasteko aukera emateko, Elhuyarrek #NikEtxeanEsperimentuak egutegia sortu du.



Egutegi horretan proposatzen dituzten esperimentuak normalean etxean izaten ditugun material eta tresnekin etxean egiteko modukoak dira.
Apirileko egun bakoitzerako bi esperimentu proposatzen dira: bata (H) haurrei zuzenduta dago eta bigarrena, berriz, gazteei (G) zuzendutako proposamena da. Esperimentu bakoitzari dagokion estekan sakatuz, esperimentua egiteko argibide guztiak dituen dokumentua zabaltzen da.


Gainera, lortutako emaitzak erakusteko, bideoak eta iradokizunak sare sozialetara igotzera animatu nahi dute jendea, #NikEtxeanEsperimentuak traola erabilita.

Gainera, laster zuzeneko saioak eskaintzen hasiko dira, https://jitsi.eus/bizilabe helbidean.