Gabonetako bigarren eskuko azoka egingo da bihar Errebal Plazan

Gabonetarako antolatu diren jarduerekin bizitasuna eta kolorea eman nahi diote herriari eta, horretarako, mota askotako ekintzak prestatu dituzte. Hasteko, bihar bertan Gabonetako bigarren eskuko azoka egongo da Errebal Plazan, 10:00etatik 14:00etara.

Herritarrek aste honetara arte izan dute izena emateko epea eta euren produktuak jarriko dituzte salgai bertan. Gainera, 11:30etik 14:00etara Gabonetako apaingarriak material birziklatuarekin egiteko tailerra egingo da. 25 minutuko bost txanda egingo dira, eta 3 urtetik aurrerako jendeak hartu ahal izango du parte.