Garajes Garcia lider berria da futbol-zaletuaren torneoan

Asteburuan jokatutako futbol-zaletuaren Ligako hirugarren jardunaldiaren ondoren, Garajes Garcia lidergora iritsi da Malape Tabernak atseden izan zuela aprobetxatuta. Lider berriak 3-1 irabazi zion Kalaka Buenos Aires taldeari (Iosu, Aparicio eta Antxon izan ziren Garajes Garciako goleatzaileak, Borjak sartu zuen galtzaileen gola). Adahi Etxegik 2-0 garaitu zuen Limpieza Rueda (Robles eta Xabierren golekin), eta beste bi partiduetan nagusitasun handiagoarekin irabazi zuten Xania Tabernak eta Bar Maremek. Lehenengoak 5-0koa sartu zion Baserriri (Simonek bitan eta Hidalgo, Sergio eta Beñaten golei esker) eta bigarrenak 6-1 garaitu zuen BOJ (Robertok hack trick-a eskuratu zuen, Hachmik bi gol egin zituen eta Danierrek bestea, BOJ-en gola Pachecok lortzen zuen bitartean).

Aipatutako emaitzekin, sailkapen nagusia honela geratzen da: Garajes Garcia, 7 puntu; Malape Taberna, 6; Xania Taberna eta Bar Marem, 5; Adahi Etxegi eta BOJ, 3; Kalaka Buenos Aires, 2; Baserri, 1; eta Limpieza Rueda, puntu barik.