Gaur eta bihar zuzeneko musika egongo da Ez Dok Zaizoi tabernan, sanandresak ospatzeko
Gaur 19:30ean hasiko da Punk Rock Party kontzertu bikoitza, eta bihar 19:00etatik aurrera eMePebo5t taldeak girotutako erromeria egongo da.
2024/11/29
12:02
eta kitto!
Punk Rock Party izena jarri diote gaur 19:30ean Ez Dok Zaizoi tabernan hasiko den kontzertu bikoitzari. Eskarmiento (punk-rock trio) eta Spunkgiforms (punk-rock covers, Ramones, Misfits, Eskorbuto...) taldeak arituko dira bertan zuzenean eta, aurreratu dutenez, gaurkoa emanaldi berezia, "gutxitan ikusten den horietakoa" izango da, talde bien arteko hainbat kolaborazio tartean. Eta, bihar, San Andres eguna ospatzeko, erromeria eskainiko du eMePebo5t taldeak, 19:00etatik aurrera. Jende guztia baserritar jantzita joatera animatu nahi dute antolatzaileek.
