Herriko pilotariek emaitza oso onak eskuratu dituzte Gipuzkoako txapelketetan

Eibarko Klub Deportiboko pilotariek ezinhobeto jardun izan dute orain arte jokatutako txapelketetan eta gehienak azken faseetara heldu dira dagoeneko. Horrela, errendimenduko infantil mailan, Aratz Amillategi final-zortzirenetara heldu den bezala, Liher Gilek domeka goizean Gipuzkoa Mendebaldeko finalerdietako partidua jokatuko du Astelenan bertan, 11:00etan hasita, Lazkaoko Estendororen aurka. Aurrera egin duten beste pilotarien artean, kadeteetan Oñatz Urkiagak final-zortzirenetakoa jokatuko du Azkoitian, jubeniletan Caramanzana lehen postuan sailkatu da azken faserako eta final-laurdenetakoa jokatuko du, eta seniorretan Ander Agirresarobek Gipuzkoako buruz-buruko final-laurdenetakoa jokatuko du Astelenan bihar arratsaldeko saioan, 20:00ak bueltan.

Biharko Astelenako pilota jaialdia 18:00etan hasiko da, ohikoari jarraituz, eta partidu ofizialen aurretik pilota eskolako mutilekin lagunarteko partidu batzuk izango dira. Hasteko, Manex Arrieta eta Urko Iso vs Markel Urain eta Mikel Colmenero; ondoren, Telmo Agote eta Koikilli Lizarralde vs Patxi Flores eta Ibai Acha; hirugarrenean, Gisasola-Amuategi jubenil mailako bikotea eta Segurola eta Azpilikueta kadete mailakoaren artekoa; azkenean, seniorretan, lehen aipatutako Eibarko Agirresarobe eta Amezketako Belokiren artekoa.