Ibarra eibartarra finalerdietarako txartelaren bila arituko da etzi Astelenan

Gipuzkoako txapelketa bikaina egiten diharduen Klub Deportiboko senior mailako pilotariak final laurdenetako partidu zaila izango du etzi, barixakua, Astelenan jokatuko duen Lazkaoko Ituarteren aurka. Partidu hori 20:00etan jokatuko bada ere, jaialdia bi ordu lehenago hasiko da, 18:00etan, Eibarko Pilota Eskolako gazteekin, alebin eta infantilekoekin osatutako hiru norgehiagoekin.

Honakoak izango dira partiduak: infantilen mailan, Oñederra-Hernaez vs Carrasco-Saez; bigarren partiduan, alebinen txanda, Uskola-Acha vs Segurola-Flores; eta hirugarrenean,  hori ere alebinetan, Arrieta-Arriola vs AgoteColmenero. Jaialdia amaitzeko, lehen aipatutako Ibarra vs Ituarte jokatuko da.