Ikusgai dago Andretxeak A25erako antolatu duen programazioa
Azaroaren 25ari, Indarkeria Matxistaren Aurkako egunari, loturiko programa argitaratu du Andretxeak. Ezagutarazi dutenez, “aurtengo programazioakmundu osoko hainbat kolektibok sustatutako memoriaren lekuak ezagutzeko proposamenak jasotzen ditu, emakumeok modu sistematikoan aurre egiten diegun indarkeriak erreparatzeko; indarkeria matxista kasuen aurrean ditugun defentsa eta salaketa aukerei buruzko informazioa jasotzen du, baita helduentzako ipuinak ere, non zauriak ondo josteko errezeta emango zaigun”.
Azaroaren 25eko egitaraua hainbat ekintza eta jardueraz osatuta dago:
-
Erakusketa: Indarkeria matxistaren aurkako memoria-lekuak – Mugarik Gabe, Andretxea. (Azaro osoan ikusgai).
-
Hitzaldia: Indarkeria matxisten biktimen ahotsak: memoria, erreparazioa eta aitortza, Mugarik Gabe. Azaroak 6, 18:00etan, Andretxea.
-
Hitzaldia: Indarkeria matxista kasuen aurrean, zer salaketa- eta defentsa-aukera ditugu? Irule abokatuak Macarena Mugica Urbistondo eta Garazi Plazola Ugartek eskainiko dute. Azaroak 13, 18:00etan, Andretxea.
-
Ekintza kolektiboa: Indarkeria matxisten aurkako matazak ehuntzen, Altzoa, Eibarko Emakume Alargunen Elkartearekin. Azaroak 25, 11:30etan, Untzaga Plaza.
-
Herritarren elkarretaratzea: Indarkeria matxistarik ez! Aitortza, erreparazioa eta memoria lelopean. Azaroak 25, 13:30etan, Untzaga Plaza.
-
Helduentzako ipuinak: Hariak, jostorratzak eta zauriak, Mireia Delgado Expositok eskainiko du. Azaroak 26, 18:00etan, Andretxea.
Gainera, Juan San Martin Udal Liburutegiarekin elkarlanean, azaroaren 25erako Irakurketa Gida bat prestatu da, eta informazio-stand bat egongo da liburutegian. Stand hau azaroaren 10etik aurrera eskuragarri egongo da.
