Ipuruako gimnasten lan ona Espainiako oinarri taldeen Txapelketan

Aurreko asteburuan Zaragozan jokatutako txapelketa horietan, Ipuruako oinarri jubenil taldea 22. postuan sailkatu zen 151 talderen artean, eta oinarri infantil mailakoa 47. tokian geratu zen 114 talderen artean. Jubenil mailakoek merituzko lana egin zuten, jakinda gainera denboraldia martxan zegoela hasi zela entrenatzen, aurreko denboraldiko bi kideri beste hiru berri gehitu ondoren (Eibar, Donosti eta Izarleku taldekoak). Euren lana hiru uztai eta bi pilotekin egin zuten. Infantil mailakoentzat, bestalde, bost pilotekin egindako ariketa euren lehenbiziko parte-hartzea izan da estatu mailako txapelketa batean.