Italia eta Suitzako txotxongiloak ekarriko dizkigu Titirijai Nazioarteko Jaialdiak

Azaroko azken astean Tolosan Titirijai Nazioarteko Jaialdia egingo dela aprobetxatuta, urteroko moduan Eibarren ere txotxongiloekin gozatzeko aukera izango dugu. Bihar arratsaldeko 17:00etan “Euriaren gizona” eskainiko du Italiatik datorren Michelle Cafaggik Coliseoan. Ia ordubeteko iraupena izango duen ikuskizunean ez da berbarik egiten eta lana 3 urtetik aurrerako umeentzat zein familientzat egokia da: “Ikuskizun komiko eta magikoa, bidaia miresgarria eta bisuala, gauza txikien magiaz, urez eta xaboiez beterik”. Sarrerak 5 euro balio du.



Eta martitzenean, berriz, Suitzako Guignol Arroulettesek “Nire etxe ostean” izenburuko lana aurkeztuko du, 15:00etan Hezkuntza Esparruko aretoan, bereziki ikasleentzat pentsatuta programatu duten saioan.