Jardunaldietako Mendi Tour-eko lehenengo proiekzioa hartuko du bihar Coliseok

High-linea, surfa, trail runninga eta eskia izango dira protagonista
Jardunaldietako Mendi Tour-eko lehenengo proiekzioa hartuko du bihar Coliseok
2025/03/17 11:53
eta kitto!

Klub Deportiboak antolatzen dituen Mendi Jardunaldietako egitarauaren barruan, bihar eta etzi Mendi Tour-eko pelikulen proiekzioak eskainiko dituzte Coliseon, arratsaldeko 18:30ean hasita. Biharkoan Marcial Sommer italiarraren “Connecting 3 Cime” (7 minutu), Iciar Casatmitjana euskaldunaren “Modo Avión” (15 minutu), Davina Montaz-Rosset ingelesaren “Always alive” (35 minutu) eta Jerome Tanon frantziarraren “Of a lifetime” (44 minutu) proiektatuko dituzte. Lehenengoan high-linea da protagonista, bigarrenean surfa, hirugarrenean trail running-a eta laugarrenean eskia.