Joseba Etxeberriaren taldeak Ipuruan jokatuko du berriro

Azken asteburuan Xixongo Sporting-en aurka izandako porrotaren ondoren, Hypermotion Ligako gure herriko taldeak CD Eldense hartuko du Ipuruan. Partidu hori ere zapatuan izango da, arratsaldeko 18:30ean hasita. Bertako hiru puntuak ez lortzea seinale txarra izango zen taldearen martxarako, igoerari begirako helburutik urruntzea ekarriko zuen neurrian.

Atzo jokalariek atseden izan zuten eta partiduaren aurretik lau lan-saio egingo dituzte. Gaur, bihar eta etziko entrenamenduak goizeko 11:00etan hasiko dira: gaurkoa Atxabalpen egingo dute eta beste biak Ipuruan. Partiduaren aurreko azken lan-saioa, bestalde, arratsaldez egingo dute, 17:00etan hasita, Atxabalpen, horrelakoetan betiko lez ateak itxita.