Jostailuen bilketa solidarioan egingo da Eibar-Andorra partidua aprobetxatuz
2023/12/07
17:59
eta kitto!
Aurten ere SD Eibar Fundazioak aktibatu du, Gipuzkoako Gurutze Gorriarekin batera, inguruko baliabiderik gabeko haur eta gaztetxoen artean irribarrerik handiena sortzen duen elkartasun kanpaina. Proiektu honen helburua da hezkuntza-jolas eta -jostailu berriak, ez belikoak eta ez sexistak ematea zailtasun sozialean dauden familiei.
Jostailuak Ipuruako Orsaixan gunean bilduko dira. Kanpaina honetan parte hartu nahi dutenek Orsaixan gunera joan beharko dira gaur 09:30etik 13:30era eta 15:30etik 19:00etara, eta partiduaren egunean bertan, 16:30etik 18:30era Orsaixanen. SD Eibarrek FC Andorraren aurkako partidurako sarrera bat emango die Orsaixan gunera jostailu berri bat eramaten dutenei. Pertsona bakoitzak gehienez bi gonbidapen eskuratu ahal izango ditu.
Kanpaina hori alde batera lagata, FC Andorraren aurkako sarrerak salgai jarri dira, bai online, bai Orsaixanen, prezio hauetan: Funtsak, 20 €; B eremuak, 20 €; A eremuak, 25 €; Erdialdea, 30 €; eta Haurrak, 10 €. Gainera, VIP sarrerak ere jarri dira salgai, 90 eurotan.
