Julen Teran eta Idoia Nogales lehenengoak Asier Cuevas herri-lasterketan

Julen Teran eta Idoia Nogales lehenengoak Asier Cuevas herri-lasterketan
2023/11/23 eta kitto!
Aurreko zapatuan jokatutako Asier Cuevas herri-lasterketaren 10. edizioak 160 atleta bildu zituen zazpi kilometro eta erdiko ibilbidea osatzeko, tartean “Zure irrifarra, Nire indarra” taldeko sei karrorekin. Oso giro ona izan zen, bai proba jokatu zen unean, baita ondoren ere, guztiek pintxo batzuk dastatzen zuten bitartean. Sari banaketak eta bertako produktuen zozketak ere partehartzaile eta bolondresen arteko arreta piztu zuten.

Gizonezkoetan Julen Teran izan zen lehenengoa helmugan,  Pello Osorok jarraitu zion eta Mikel Mugikak osatu zuen podiuma. Emakumezkoetan, Idoia Nogales irabazitako lasterketan,Ioana Osak eta Onintza Zeberiok osatu zuten podiuma. Bestelako sariak honela banatu ziren: juniorretan Ugaitz Gartzia eta Nora Martinez izan ziren azkarrenak, beteranoetan Javier Irazabal eta Luz Marina Valencia nagusitu ziren, eta aurreneko eibartarren sariak Iker Goikoetxea eta Miren Gallastegirentzat izan ziren. Jakina, eibartarrak izan ziren nagusi, baina etxean jokatzen zutenetik kanpo ere beste herri batzuetako 77 parte-hartzaile izan ziren zapatukoan.

Hemen duzue guztien sailkapena: https://www.sailkapenak.com/es/evento/-asier-cuevas-herri-lasterketa-eibar75-km-2023/clasificaciones