Kalamua klubeko Eneko Korta 5. izan da Gipuzkoako Junior Txapelketan
Hainbat urtetan beste kirol diziplina batean ibili ondoren, judora itzuli da Eneko Korta, eta nola gainera. Kalamua klubeko kidea Gipuzkoako Junior Txapelketan lehiatu zen domekan, azaroak 23, eta 5. postua lortu zuen bertan. “Bere helburua lehiakorra izatea eta Randoriak batzea zen, eta aise bete zuen helburu hori”, azaldu digute Kalamuakoek.
Lehen lehia galdu egin zuen etsaiaren Wasari bikoitzaren ondorioz, baina irabazteko aukerak izan zituen. Gero, bigarren aukeran, garaipena lortu zuen Ippon bikain batekin eta hurrengo neurketan ere garaile irten zen Ne Waza (lurreko judoa) lan bikainarekin. Finalerdietan, ostera, oso etsai gogorra izan zuen aurrean eta indar hustuta hartu zuen, aurretik egindako lanaren ondorioz.
Zapatuan, azaroak 22, abenduaren 20an gerriko beltza eta daniarra lortzeko azterketak prestatzeko ikastaroa egin zen Tolosako Usabal kiroldegian. Kalamua klubetik Javier Lamas (gerriko beltzeko lehen Dan-a lortzeko) eta Jon Montiel (hirugarren Dan-erako) aurkeztuko dira.
