Kento Hashimoto fitxatu du Eibar KE-k
Futbolari japoniarrak denboraldi baterako kontratua sinatu du
2024/08/29
11:26
eta kitto!
Denboraldi berria bide onetik hasi du Eibar KE-k, baina oraindik taldea indartzen jarraitzen du zuzendaritza teknikoak. Orain dela egun gutxi Toni Villa fitxatu ondoren, gaur beste jokalari bat iritsi da Eibarrera: Kento Hashimoto.
Jokalari japoniarrak Huescan jokatu du azken bi denboraldietan eta aurretik Vissel Kobe (Japonia) eta Rostoven (Errusia) ibili izan da.
Hashimotok zelai erdian jokatzen du eta 2019an Japoniako selekzioarekin debuta egin zuen. Guztira 15 neurketa jokatu ditu Japoniarekin eta gol bat sartu du.
