Korrika giroa ekarri zigun Eibarrera Pituxa klownak

Sorreratik gaur egungo Korrikarainoko ibilbidea errepasatu zuen Rosita AEK-ko irakasleak (Itziar Saenz de Ojer), Korrika Kulturalaren barruan ...eta kitto! Euskara Elkarteak antolatutako ikuskizunean. Korrikaren inguruko hainbat galdera egin zizkien bertaratutakoei eta baita hainbat gomendio eman ere, korrika egingo dutenei oro har eta lekukoa eramango dutenei bereziki. Barre algara artean ordubete dibertigarria pasa zuten Zaizoi tabernara hurbildu zirenek.