Kultur eskaintza oparoa prestatu dute Eibarren, Korrika Kulturalaren baitan

Herriko eragile ezberdinen eskutik, martxoan zehar kalitate handiko kultur-ekitaldiekin gozatzeko aukera aparte izango dugu herrian bertan. Albistean ikus dezakezue egitaraua osorik.
Kultur eskaintza oparoa prestatu dute Eibarren, Korrika Kulturalaren baitan
2024/02/28 eta kitto!

Martxoaren 20an, 10:30ak inguruan ailegatuko da 23. KORRIKA Eibarrera, baina aurretik, ohikoa den bezala, girotzen joateko egitarau zabala antolatu dute Eibarko AEK euskaltegiak, Lurgaia fundazioak, Soraluzeko Baso Biziak-ek, Soraluzeko Udalak, Eibarren Akebaik, ...eta kitto! Euskara Elkarteak, Zaizoi tabernak, Arrate Kultur Elkarteak, Eibarko gazte mugimenduak, Eibarko Udalak eta Aspe pelotak, asteburu honetan hasiko den Korrika Kulturalerako, jarraian ikus dezakezuen bezala.

 

                                              KORRIKA KULTURALA EIBARREN

Martxoak 3, igandea

09:00
 Zuhaitz-landaketa Atxolinen (Soraluze). Izen-ematea euskaltegian.

Martxoak 6, asteazkena

19:00
 Bizkarsoro filma eta solasaldia. Coliseon. Sarrerak egunean bertan (3€).

Martxoak 14, osteguna

19:30 Ttipi-ttapa umorezko bakarrizketa. Zaizoi tabernan.

Martxoak 15, ostirala


21:00 Kantu afaria, Arrate Kultur Elkartean. Txartelak Kultu tabernan salgai. Bazkideek 15€, bazkide ez direnek 20€.

Martxoak 16, larunbata


Egun osoko egitaraua. Korrika Eguna, Eibarko Gazte Mugimenduaren eskutik.

Martxoak 17, igandea


17:00 
Buruz-buruko pilota finalaurrekoa. Korrika arduradunekin argazki ofiziala, Astelena frontoian.

Martxoak 19, asteartea


15:15
 Korrika Txikia.
 Amaiera Untzagan
 (euria egingo balu, Errebalen).

Martxoak 20, asteazkena

10:30
 Korrika Eibarren. Unibertsitatetik Maltzagaraino.

Martxoak 21, osteguna

19:00
 Badon antzezlana, Coliseo antzokian. Sarrerak 12€ (Kutxabank).

Martxoak 22,23,24

Ihes-gela Untzaga Plazan


Izen-ematea: www.euskarazbarrabarra.eus/ihes-gela

Martxoak 24, igandea


09:00
 Korrika amaiera. Baionara autobusa. Egogainen. Izen-ematea: 688746634 whatsapp zenbakian. Joan-etorriaren prezioa: 15€.

 

ANTOLATZAILEAK: AEK, Lurgaia fundazioa, Soraluzeko Baso Biziak, Soraluzeko Udala, Eibarren Akebai, ...eta kitto! Euskara Elkartea, Zaizoi, Arrate Kultur Elkartea, Eibarko Gazte Mugimendua, Eibarko Udala, Aspe pelota.