Landare inbaditzaileak identifikatzen ikasteko irteera antolatu du Eibarko Baso Biziak elkarteak domeka goizerako
2023/09/15
13:27
eta kitto!
Domeka honetarako irteera antolatu du Eibarko Baso Biziak natur elkarteak, kirol talde eta Udalaren laguntzarekin, “09:30ean Urkizuko iturriaren ondoan elkartuko gara eta, jarraian, Debanaturaren kidea eta espezie inbaditzaileetan aditua den Diego Mendozak Eibarren dauden landare inbaditzaileei buruzko azalpenak (identifikazioa, kokapena, sortzen duten inpaktua, nola eta nola ez kendu, nola kudeatu...) emango dizkigu”. 10:00etatik 13:00era Txontara joango dira, landare inbaditzaileak identifikatu eta kentzeko. Amaieran, nahi dutenak Errebalera joango dira, hango Garagardo Azokan bazkaltzeko.
