Lasturren jokatuko da bihar Gipuzkoako hiru-txirloko laugarren jaurtialdia

Txapelketako laugarren tiraldia bihar jokatuko da, Lasturreko bolatokian. Aurreko zapatuan Bergaran jokatutako hirugarrenean Asola Berriko Gari Rodriguezek hirugarren postuan amaitu zuen eta Ganix Rodriguez bosgarren izan zen. Guztira 74 bolari izan ziren parte hartzen Bergaran eta etxeko Mikel Almorza nagusitu zen, sei txirlorekin. Bergarakoari San Migueleko Xabier Loiolak jarraitu zion, bostekin, eta Elgoibarkoari Gari Rodriguez eibartarrak lau txirlorekin. Laugarrenetik aurrera hiru txirlorekin geratu ziren, tartean Asola Berriko Ganix Rodriguez.

Sailkapen nagusian Xabier Loiola elgoibartarrak hartu du aurrea, 13 txirlorekin, eta bi txirlora seikote bat dugu, Anartz Esteban eta Gari Rodriguez eibartarrak tarteko. Asola Berriko Bittor Ugarteburu dago jarraian, 10 txirlorekin. Bikotekako sailkapenean berdinketa dago gorenean, Asola Berriko Sergio Rodriguez eta Anartz Esteban eta San Migueleko Xabier Loiola eta Abgel Ibarluzearen artean. Eta taldekakoan, San Miguel A taldeak lau txirlo ateratzen dizkio Asola Berri A-ri eta 12 Asola Berri B-ri. Amaitzeko, Enara Montiel eibartarra nagusi da emakumezkoetan.