Lau lan-saio izango ditu SD Eibar-ek Mirandako partidua prestatzeko
Neurketa zapatuan jokatuko da, Anduvan, 21:00etan
2024/10/15
10:05
eta kitto!
Zapatu honetan, gaueko 21:00eta hasiko den partiduan, Joseba Etxeberriaren taldeak erronka berri bati heldu beharko dio. CD Mirandesi egingo dio bisita Anduva zelaian eta ez da aurkari erraza izango, une honetan eibartarrekin berdinduta baitago sailkapenean.
Partidu horri begira, eta atzo izandako atseden egunaren ondoren, SD Eibarko gizonezkoen lehen taldearen lan-plana honakoa da: bihar, etzi eta etzidamuko saioak 11:00etan hasiko dira, biharkoa Atxabalpen eta beste biak Ipuruan; eta behin partiduaren bezperara iritsita, ohikoari jarraituz, barixakuko entrenamendua arratsaldez egingo dute, 17:00etatik aurrera, Atxabalpen eta ateak itxita. Partidua jokatu eta gero, domekan lan-saioa izango dute, 11:00etan Atxabalpen.
