Lau pelikula berrik osatuko dute asteburu honetako zine-karteldegia Coliseo antzokian

Patricia Font-en “El maestro que prometió el mar” 1 Aretoan (domekan eta astelehenean) eta 2 Aretoan (zapatuan) proiektatuko da. Jaione Cambordaren “O corno” filmak ere areto biak hartuko ditu: kasu honetan 1 Aretoan zapatuko proiekzioa joango da, eta beste bi egunetakoak 2 Aretoan. Isabel Coixet zuzendariaren “Un amor” 1 Aretoa eta Antzokia txandakatuko ditu: zapatuan 1 Aretoan izango du kokapena, domekan toki berean izango da 17:00etako proiekzioa, 20:00etakoa Antzokira pasatzeko, eta astelehenean, azkenik, Antzokian ikusi ahal izango da. Umeentzako filma oraingoan Walt Dohm eta Tim Heitzen “Trolls 3. Todos juntos” animaziozko filma izango da, zapatuan 2 Aretoan eta domekan Antzokian eskainiko dena. Azken film hori, gainera, hurrengo asteburuan ere jarraituko dute ematen. “O corno” pelikula, azkenik, audioa galegoz eta gaztelerazko azpitituluekin eskainiko dute.