Lesbiana, gay, bisexual eta transexualen askapenerako eguna ospatzeko ekintzak bihar

Bihar (ekainak 28) Lesbiana, gay, bisexual eta transexualen askapenerako eguna da eta hainbat ekintza antolatu dituzte horren harira Gehituk, Udaleko Berdintasun Zerbitzuak eta Andretxeak, Emakume Mahaiaren laguntzarekin.

13:00etan askatasun eta aniztasun sexualaren aldeko banderaren igoera eta manifestuaren irakurketa egingo da Untzagan.

Egun osoan zehar, 12:30etik 14:30era eta 18:00etatik 20:00etara, Gehituk informazio-mahaia jarriko du materiala banatu eta partekatzeko. Gainera, aniztasunaren aldeko marrazkiak margotu ahal izango dituzte umeek.

LGTBI gaiaren inguruan kontsulta egin edota mailegatzeko liburuak eskuragarri daude Andretxean.