‘Lur’ antzezlana eskainiko dute zapatuan Coliseoan

‘Lur’ antzezlana eskainiko dute zapatuan Coliseoan
2021/04/29 eta kitto!
Xake produkzioak antzerki-taldeak ‘Lur’ antzezlana eskainiko du zapatuan Coliseo antzokian, 17:00etan. Erika Olaizola, Mikel Laskurain, Kepa Errasti (sortzailea ere bada) eta Nerea Gorriti eibartarra dira ikuskizuneko aktoreak, eta Getari Etxegarai da zuzendaria.

‘Lur’ Julianen jostailu-dendan kokatzen da, eta sei urte beteko dituen biloba Anerekin bidaia hunkigarria bizi du Julianek. “Itxuraz, abentura imajinarioak Ane-ri eta Joni, bere aitari, beraien arteko harremana bideratzen lagunduko die. Azkenaldian Jonek onarpen arazo bat dauka, Anek bulba izan arren, mutila dela aldarrikatzen duelako”, dio antzezlanaren sinopsiak.