Magia-ikastaroan izena emateko epea zabalik dago

Datorren martitzenerako, urriak 15, magia-ikastaroa antolatu du …eta kitto! Euskara Elkarteak Illunabarrian programaren barruan. 7 urtetik gorakoei zuzenduta dago (haurrek heldu batez lagunduta hartuko dute parte) eta elkartearen egoitzan egingo da 18:30etik 20:30era.

Imanol Ituiño magoa ekarriko du Eibarrera …eta kitto!-k ikastaroa ematera. Mago profesionala da, hainbat sari irabazi ditu eta Gure Zirkuko magoa da gaur egun.

Izena emateko epea zabalik dago. Honako inprimaki hau bete daiteke, elkartea@etakitto.eus helbidera mezua bidali edo telefonoz deitu 943200918 zenbakira. Izen-emateak 5€ balio du, 4 euro …eta kitto!-ko bazkideentzat.