Maite Peña diputatuak hasiera ofiziala eman zion atzo Untzaga Gizarte Etxearen ikasturte berriari
Atzo arratsaldean Untzaga Gizarte Etxean izan zen Maite Peña diputatua zentroaren ikasturte berriari hasiera ofiziala emateko. Berarekin batera izan ziren Gipuzkoako Foru Aldundiko eta Eibarko Udaleko hainbat ordezkari.
Sagrario Sanchez Untzaga Gizarte Etxeko presidenteak eman zion hasiera saioari, eta eskerrak eman zizkion foru diputatuari 2025/2026 ikasturteari hasiera ofiziala emateko Eibarrera bertaratzeagatik; izan ere, Untzagak Eibarko adinekoentzako jarduera-sorta zabala eskaintzen du, zahartze aktiboa ardatz nagusitzat hartuta. Gainera, datak bat datoz Gizarte Zentroaren 25. urteurrena ospatzeko ekitaldien hasierarekin. Egoitza 2000. urteko San Andres bezpera batean inauguratu zen.
Maite Peñak bere sailetik bultzatzen diren gizarte-politikei buruzko dibulgazio-hitzaldia eskaini zuen, bertaratutako pertsona askori mendekotasuna edo bazterketa nola lantzen diren azalduz, boluntariotzari edo belaunaldien arteko harremanari ematen zaion laguntza ahaztu gabe. Beste gai bat erronka demografikoa izan zen.
Solasaldia eta galderen txanda amaituta, Felix Elcoroiribe Gipuzkoako eta Euskadiko Adinekoen Zentroetako Federazioetako presidente ohiak, Foru Diputatuak eta bere taldeak jarduerak egiten ari ziren Gizarte Zentroko instalazioak bisitatu zituzten, hala nola joskintza eta ingeles aurreratua. Informatika Aretoa ere bisitatu zen; izan ere, Foru Aldundiko Gizarte Zerbitzuetako Departamentuak lagundu zuen zerbitzu hori martxan jartzen.
Foru Aldundiaren aldetik, Maite Peñarekin batera egon ziren Iker Aldazabal Plangintza, Inbertsio, Ikuskaritza eta Prestazio Ekonomikoen zuzendari nagusia eta Irune Galarraga Erakunde Publikoetako (besteak beste, egoitzetako) zuzendaria. Gainera, Jon Iraola Eibarko alkatea eta hainbat udal ordezkari ere gerturatu ziren Untzaga Gizarte Etxera.
Ezkerretik eskumara: Jesús Iparraguirre -Untzaga Gizarte Etxeko presidente ohia-, Alberto S. de Viteri -Untzagako presidenteordea-, Sagrario Sánchez -Untzagako lehendakaria-, Maite Peña -Zainketa eta Gizarte Politiketako foru diputatua-, Félix Elcoroiribe -Untzagako ohorezko presidentea eta Euskadi eta Gipuzkoako gizarte zentroen federazioen preseidente ohia-, Elena Ibáñez -Berdintasuneko zinegotzia Eibarko Udalean-, Iker Aldazabal -Foru Aldundiko Plangintza, Inbertsio, Ikuskaritza eta Prestazio Ekonomikoen zuzendari nagusia- eta Joseba García -Untzagako Zuzendaria-
