“Maria Callas” filmak bigarren asteburua izango du Coliseoko karteldegian

Asteburu honetako Coliseoko zine-karteldegian jarraituko du Pablo Larrainen “Maria Callas” pelikulak eta, berarekin batera, honako beste hiru filmeak osatuko dute eskaintza: Mel Gibsonen “Amenaza en el aire”, Julius Onah-en “Capitán América. Brave New World” eta Dougal Wilsonen “Paddington. Aventura en la selva”. Mel Gibsonen da iraupenean motzena (ordu eta erdi inguru) eta beste hirurak bi ordura gerturatzen dira.

Aretoei dagokienez, “Maria Callas” 1 eta 2 Aretoetan proiektatuko dute, “Amenaza en el aire” 1 Aretoa eta Antzokiaren artean, “Capitán América” 1 eta 2 Aretoetatik aparte Antzokian ere eskainiko dute eta, azkenik, familian ikusteko “Paddington” zapatuan Antzokian emango dute eta domekan, bertan beste emankizun bat izango delako, 2 Aretora pasako dute.